Ek sadi se door khade, dekha kiye bazaar ko
Laangh k pauncha main mandi, ummr ki deewar ko.
Lamba bada roka tha khud ko, nin-nyan-we k fer se,
Dekh k jeewan ki mandi, hairan hoon kyun aaya der se.
Yaadon ki mandi hai, bikte woh kodi main,
Khushiyon k peeche gum, aate woh jodi main.
Kuch yaadon ko frame kar diwaaron par chipkaya hai,
Kuch yaadon ko kar riha, hawa main udaya hai
Ek sadi se door khade, dekha kiye bazaar ko..................!!!!
Taaron ki mandi hai, bori bhar paise
Lute do haanthon se, fatne lage khise
Kuch taaron ko daalkar laalten jalaya hai,
Kuch taaron ko jugnu bana, hawa main uthaya hai
Ek sadi se door khade, dekha kiye bazaar ko..................!!!!
Lamhon ki mandi hai, umeedon k katore,
Jisne jitni umeeden ki, usne utne batore
Kuch lamhe chalkar meri ummr se judh gaye,
Kuch lamhe the halke bade, kisi jhonke main kahin ud gaye
Ek sadi se door khade, dekha kiye bazaar ko
Laangh k pauncha main mandi, ummr ki deewar ko.
Lamba bada roka tha khud ko, nin-nyan-we k fer se,
Dekh k jeewan ki mandi, hairan hoon kyun aaya der se.
fir chala mein us rah par,jis par koi nishan nahi,
ReplyDeletepagdandi hai gumnaam iska kahin koi sira nahi.
kabhi aansoon ke ghaat hain to kabhi aas ki chaya,
kho gaya na jaane kahan, dhoodne par bhi nahi paaya ..
fir chala mein us rah par jahan koi nishan nahi..
sunsaan se raste par kisi anjaane ke paas hone ka ehsaas hai,
saath mein koi nahi par ek dhimi si aahat hai..
pal bhar ke liye koi pehchaana sa saath mein hai.
in thaki nazaron ne dhoonda to nahi, par, koi to paas aaya hai..
kaun hai ye jo mujhe abhi tak nahi bhoola,
akele se safar mein rahguzar sa hai bana.
khushi hai dil mein magar thoda sa darr hai,
kya ye wo to nahin jisko mere bite kal ki khabar hai.
ek chaaya sa koi ab mujhe pass dikh raha hai.
gumnaam se rah par ab fir se nishan mil raha hai.
ab aa rahi hai saanson ki ahaat dheere se, kaun hai, ye kautuhal khalbali macha raha hai..
dabe pairon se meine ek kadam hai ab uthaya,
sanson ko maddham kar bas khudko honsla hai dilaya,
jo bhi hai us chaaye mein, dost ya dushman hoga..
maut hai paas, ya zindagi iska chalo aaj to faisla hoga..
ab wo chehra hai saamne mere, ek taki se dekhta hua
donon hain aamne saamne bas dhadkan hai sunai de raha..
ye koi anjaana nahi mera hi saathi hai,
kabhi bahut door chhoda tha aaj jaake lauta hai..
ye koi aur nahi mera hi saaya hai...ye koi aur nahi mera hi saaya hai...